‘n Fees van talent op die Allegretto-verhoog

Die Allegretto interprovinsiale Eisteddfod uitdun is vroeër in die pragtige NG Kerk in Vredefort gehou met drama en musiek wat vir die eerste keer ook hier as deel van die uitdun aangebied is. Verskeie jong talent waaronder die meeste studente van die bekende en talentvolle
Erna Rademan Musiekskool, het deelgeneem aan dié nasionale platform vir uitvoerende kunste.

Marius Lourens,, hoof uitvoerende beampte van Allegretto IPE, en die bekende prof. Santisa Viljoen van Potchefstroom, het as beoordelaars opgetree, en is melding gemaak van die uitsonderlike talent wat hier gesien is. Die provinsiale uitdun vind plaas op 16 Augustus by Hoër Volkskool in Potchefstroom.