Gemeenskap en polisie vat hande teen misdaad
Die volgende blou lig/wit lig patrollie is 19 Julie.
Diefstal by besighede in die sakegebied van Parys is tans vir die polisie ‘n groot kopseer, maar dit is die publiek se oë en ore wat kan help om misdaad vas te vat.
Vrydag het lede van die gemeenskap weer hande gevat met Parys-polisie vir ‘n blou lig/wit lig patrollie en is daar in die sakegebied, maar ook in woonbuurte, patrollie gery.
GPF en gemeenskapslede wat saam met Parys SAPD aan die blou lig/wit lig patrollie deelgeneem het.
Die gesamentlike patrollies word maandeliks gedoen en is daar in die verlede al telkemale bewys hoe suksesvol buurtwagpatrollies is om misdaad te bekamp.
Om deel te neem aan die patrollies het jy geen vorige ervaring nodig nie – net jou bereidwilligheid om ‘n uur of twee van jou tyd op te offer.
Die volgende blou lig/wit lig patrollie is 19 Julie. Daar sal om 19:30 vir 20:00 voor Mr Price by die Pick n Pay-sentrum bymekaar gekom word. Die gemeenskap is ook welkom om die maandelikse GPF vergadering by te woon wat op 18 Julie om 16:00 by die Parys-polisie se lesingkamer gehou sal word.
