Ysig koud, maar ‘n belewenis
Die geleentheid was 'n fondsinsameling vir die organisasie Breathe, vir hul omgewings-opvoedingsprogram.
Al drie Parysenaars wat Saterdag, 8 Junie die World Ocean Day Swim in Durban aangepak het, het hul onderskeie afstande voltooi. Hendrik Scheepers en Anina de Villiers het aan die 5 km vrywater swem deelgeneem, terwyl Nellie die 800 m afstand geswem het.
Anina het klaargemaak in 1 uur 57 minute en beskryf die vrywater swem as ‘n groot ondervinding. Ysig koud, maar beslis ‘n belewenis!
Hendrik en Nellie het ook baie lekker geswem en voltooi Hendrik die 5 km in 1 uur 57 minute, en Nellie die 800 m in 23 minute.
Die deelnemers het in bewolkte weer weggespring by die Durban Beach Club, en het dit na die swem begin reën. Daar is 2 en ‘n half uur tyd gegee vir deelnemers om die volle afstand te voltooi, maar dié wat na ‘n uur nie by die halfpadmerk was nie, is uit die water gehaal.
Die geleentheid was ‘n fondsinsameling vir die organisasie Breathe, vir hul omgewings-opvoedingsprogram.