Local newsNews
Vermeende koperdiewe vasgetrek in Parys se sakegebied
Koperkabel met 'n straatwaarde van R63 000 is by die mans gekry.
Vyf vermeende koperdiewe verskyn vanoggend, Vrydag 26 April, in Parys se landdroshof op klagte van die besit van koperkabel, nadat hulle Woensdag 24 April danksy flink optrede van lede van die Fezile Dabi Hoofwegpatrollie in Parys se sakegebied vasgetrek is. Die verdagtes is tussen 32 en 45 jaar oud.
Polisiewoordvoerder sers. Josephine Rani sê die polisielede was omstreeks 03:45 besig met patrollie toe inligting gekry is van ‘n verdagte wit Mazda wat verbind word met vermoedelike diefstal van batterye in die Noordwes-omgewing.
Volgens die inligting was die voertuig op die R59 tussen Viljoenskroon en Parys onderweg.
Terwyl daar nog patrollie gery is, is die voertuig waarna gesoek is, met vyf insittendes in Parys se sakegebied opgemerk en toe deursoek.
Al vyf insittendes is gearresteer nadat bondels koperkabel met ‘n straatwaarde van R63 000 in die voertuig gekry is, het sers. Rani gesê. Daar is ook beslag gelê op die voertuig.
You can read the full story on our App. Download it here.