Vaal de Grace laat die balle rol
Die volgende seisoen skop in Oktober af. Besighede kan nou reeds inskryf.
Die span van Vaal de Grace was die wenners van die jaarlikse Rolbal Besigheidsliga wat verlede week geëindig het vir die seisoen. Sestien spanne het mekaar die stryd aangesê.
Die volgende seisoen skop in Oktober af. Besighede kan nou reeds inskryf.
Johann van der Merwe, waarnemende president van Parys-rolbalklub sê die liga is landwyd baie gewild en klubs kan nie voorbly met inskrywings nie.
Hy sê Parys-rolbalklub dink daaraan om die kompetisie uit te brei na twee weeksaande. Wenners van hierdie twee aande sal dan na die einde van die seisoen teen mekaar meeding om die algehele wenners te bepaal.
Verder dink die klub ook daaraan om Vrydagaande ope-dae te hou om leerders, ouers en onderwysers die geleentheid te gee om ook te kan speel, sê hy
Datums sal later deurgegee word.
