Suid-Afrikaners sal op 29 Mei na die stembus gaan vir die provinsiale en nasionale verkiesing. Die verkiesingsdatum wat vroeër deur president Cyril Ramaphosa bekendgemaak is, sal vandag in die staatskoerant gepubliseer word.
Stemgeregtigdes het nog net vandag, Vrydag 23 Februarie kans om te registreer om te kan stem in die verkiesing.
Wat baie belangrik is, is dat die proses sedert die vorige nasionale verkiesing aangepas is, en kiesers nou in die komende verkiesing slegs sal kan stem by die stempunt waar hulle geregistreer is. Dit is ‘n wesenlike verandering met kiesers wat voorheen by enige stempunt in die land vir lede van die parlement, en by enige stempunt in die provinsie waarin hulle geregistreer is vir lede van die provinsiale wetgewers. kon stem.
Versuim om jou adres op die kieserslys te verander as jy sedert die laaste verkiesing verhuis het, sal dus beteken dat as jy wil stem, jy moet reis na die stempunt waar jy geregistreer is, anders sal jy nie kan stem nie.
Stemgeregtigdes wat nog nie vir die verkiesing geregisreer het nie, of adresveranderings moet maak, kan na hul naaste OVK-kantoor gaan (in Parys is dit by die Forum-gebou oorkant Spar) of aanlyn by die OVK se webtuiste registertovote.elections.org.za
Jy kan ook ‘n WhatsApp stuur na die OVK by 0600 88 00 00
