Solidariteit Helpende Hand se karakter, Braaf Boelie, het Woensdag 31 Januarie by Parys Christelike Skool gaan inloer waar hy met die Grondslag fase en Graad R maats gesels het.
Braaf die boerboel is die breinkind van die klerereeks, Boerboel Wear, en gesels by skole oor die land oor boeliegedrag. Die karakter moedig met sy interaksie met die leerders hulle aan om maats te help wat geboelie sou word, en verduidelik dat om ‘n maat name te noem, te spot of te terg, nie reg is nie.
Solidariteit Helpende Hand is op vele maniere betrokke by skole en het onlangs ook hul omgee gewys by skole in Parys met die Skooltassie-projek.
