Klok lui vir tweelinge op eerste skooldag

“Ek ‘like, graad 1”, was die antwoord van een van die Ellis-tweeling Woensdag op hul eerste skooldag by Parys Primêr. Die skool het vanjaar twee tweelinge in graad 1, en was dit sommer vroeg-vroeg te oordeel aan die glimlagte, duidelik dat dié vier baie tuis is by die ‘groot’ skool.

Die graad 1’s het hul skooldag begin met die lui van die skoolklok as simbool van die begin van hul skoolloopbaan. Die tweelinge is van links, Marnus en Luan Ellis, en Es-Marie en Hennie Janse van Vuuren.