Negentiende plek op wêreldranglys vir Gerhardt
Baie geluk aan die talentvolle jong gimnas
Die 13-jarige Gerhardt van Niekerk van Parys is na afloop van sy deelaname aan die 30ste FIG Trampolien Gimnastiek Wêreldkampioenskappe in Birmingham, in die Verenigde Koninkryk, 19de op die wêreldranglys geplaas uit ‘n totaal van 29 deelnemers in die 13-14 jaar Mans Dubbel Mini-trampolien kategorie.
Gerhard was deel van die Suid-Afrikaanse span wat van 16-19 November aan die wêreldkampioenskappe deelgeneem het.
Die kompetisie is die mees gesogte internasionale byeenkoms vir die junior trampolien-gemeenskap, en was dit die eerste junior wêreldkampioenskap wat aangebied is.
Dit was ook Gerhardt se eerste internasionale kompetisie deelname.
Sy hoëprestasie-afrigter, en voormalige Afrika-kampioen, Star Mapeka, sê hy is opgewonde om te sien wat 2024 vir dié talentvolle gimnas inhou met die Afrika Kampioenskappe wat in 2024 in Tunisië gehou word.
Klubeienaar van Parys 20 Four 7 en trotse ma, Charmain van Niekerk, het gesê sy is baie trots op Gerhardt se uitmuntende prestasie.
Gerhardt is ‘n leerder van Parys Primêre skool.
