‘n Besondere eer het mev. Ezilda Fouché, Afrikaanse onderwyseres van Hoërskool Parys, te beurt geval toe Lapa-uitgewers haar vanjaar as Vyfster Afrikaans-onderwyser vereer het deur die nuwe Afrikaanse Vraag- en Antwoordboek (graad 10-12) aan haar op te dra in erkenning vir haar bydrae tot die Afrikaanse taal.
Ezilda publiseer vanaf die negentigerjare in die Klasgids, ‘n tydskrif vir Afrikaanse onderwysers.
Sy dien ook op die Nasionale Senior Sertifikaat Eksamenpaneel vir Afrikaans Huistaal, en is die interne Moderator vir Afrikaans Huistaal vraestel 1 in die Vrystaat.
