News
Ray Dylan se “Rigtingnaald” ‘n nostalgiese reis deur sy musikale loopbaan
Met sy kenmerkende stem en diep emosie, skep Ray 'n atmosfeer van romantiek en verlange - 'n viering van die liefde wat luisteraars sal raak.
Ray Dylan, se nuutste enkelsnit, “Rigtingnaald, is ‘n betowerende lied, geskryf en vervaardig deur die talentvolle Werner Beukes.
Dié opvolg-enkelsnit kom na die suksesvolle treffers “Ek Wens” en “Kom Lê My Voor Jou”, en is sedert 18 Augustus op alle digitale platforms beskikbaar.
Met “Rigtingnaald” neem Ray Dylan jou op ‘n nostalgiese reis deur sy musikale loopbaan. Die lied vang die gevoel van die tydlose klank vas wat Ray deur die jare opgebou het.
Hy beskryf sy liefde in die lewe as sy “Rigtingnaald,” en beklemtoon dat hy absoluut verlore sou wees sonder haar om hom te lei na waar sy weet die beste vir hom is.
Die lirieke van “Rigtingnaald” voeg ‘n dieper emosie en konteks by die lied. Ray beskryf die uitdagings wat hy ervaar om sy pad te vind en sy hart te volg. Hy erken dat hy soms verlore en verdwaal voel, maar dat sy geliefde hom die rigting wys. Hy beskryf haar as die wind in sy vlerke, sy kompas se rigtingnaald, die reën in sy wolke en sy son wat nooit sal ondergaan nie.
Met Ray se musiek wat nog altyd ‘n spesiale plek in die harte van sy aanhangers gehad, is “Rigtingnaald” geen uitsondering nie. Met sy kenmerkende stem en diep emosie, skep Ray ‘n atmosfeer van romantiek en verlange – ‘n viering van die liefde wat luisteraars sal raak.
Volg die skakel hieronder om na die enkelsnit te luister:
