Waarskuwing: Moenie kinders alleen by die rivier of rivieroewer laat speel nie
Dit is lewensgevaarlik
Ouers word ernstig gewaarsku om asseblief seker te maak kinders word nie toegelaat om nou alleen na die rivier te gaan nie, of om alleen op die rivieroewer te speel nie. Al lyk dit hoe lekker om in die water op die rivieroewer te speel, is dit ‘n groot risiko.
Dr. Kobus Roux, van Potchefstroom Rampbestuur Vrywilligers het vroeër in die week al die publiek gemaan om asseblief uit die rivier te bly, en nie deur die water te loop nie. Die vloeitempo is bedrieglik vinnig en mag mense meesleur.
Daar is steeds 8 sluise oop by Vaaldam en die rivier se watervlak is baie hoog. Maak seker jou kinders weet hoe gevaarlik dit is en moet onder geen omstandighede toelaat dat hulle in die water gaan speel of alleen rivier toe gaan nie, nie eens saam met ‘n ouer boetie of sussie nie.
Moenie die krag van water onderskat nie. Wees asseblief versigtig en veilig.