Die agtste sluis by Vaaldam is pas om 13:00 oopgetrek, nadat daar vanoggend begin is om stelselmatig vanaf 09:00 sluishekke by die dam oop te trek. 
Die foto’s is vanoggend geneem nadat agt sluise by die Vaaldam oopgetrek is. Foto’s verskaf
Oewereienaars is vanoggend vroeg gewaarsku oor die stygende watervlak met die sluise wat oopgetrek word vir vloedbeheer ter wille van die styging in rivier en damvlakke wat voorsien word weens die swaar reën.
Wanneer sluise oopgetrek word by Vaaldam vat dit ongeveer 6 ure vir die water om tot by die Barrage te kom, en dan nog ‘n verdere ongeveer 6 ure voor die effek daarvan in die Vaalrivier by Parys gesien kan word.
Vaaldam is tans 104,89% vol. Sluishekke by Barrage is vroeër in die week ook oopgetrek.
