Outdoor X: Maak gereed vir dié buitelugfees – 2 tot 4 Junie!
Buitelewe-geesdriftiges tel al die dae af na 2 Junie, wanneer vanjaar se Outdoor X by Hartsfeld Plaas in Midvaal begin!
Outdoor X, die grootste ekspo van sy soort in Suid-Afrika, begin Vrydag en hou aan tot Sondag 4 Junie. Almal wat gek is oor karre moet onthou om ook ‘n draai te kom maak want al die grootste voertuigvervaardigers gaan hul nuutste modelle kom uitstal!
Met toegang van net net R120 vir volwassenes en R60 vir kinders van 6 tot 12 jaar is dit ‘n lekker bekostigbare fees vir die hele gesin. Kleingoed jonger as 6 kry gratis toegang.
Koop jou kaartjies vooraf aanlyn by https://outdoorx.co.za/buy-your-tickets/ en kry dit goedkoper as by die hekke!
Besoekers gaan vanjaar nie net honderde diensverskaffers se uitstallings in 12 verskillende buitelewe-kategorieë kan sien nie. Daar is ook iets vir die oor, met vrolike musiek wat elke dag deur bekende sterre soos Jan Jan Jan, Piet Pompies, Beeskraal, Sean Miles, RNK Band, Bad Peter, Fatman, Fritz Gunther, Bloumoord en die Wildberries verskaf gaan word.
Kom sit terug, smul aan lekker kos en geniet iets te drinke terwyl jy na die musiek luister. Bring die hele gesin en onthou om lekker gemaklike skoene aan te trek om die pragplaas vol uitstallings plat te stap.
Besoek die Facebook-blad “OutdoorXpo” vir nog inligting oor dié plesierige fees.
Die pen-ligging is https://bit.ly/3xYN3Nf.
