In n spanpoging tussen die polisie, die gemeenskap en boere van Vredefort is drie minderjarige seuns tussen 12 en 14 jaar deur die polisie in Vredefort gearresteer vir die grootskaalse skending van grafte in die Vredefort begraafplaas.
Die seuns sal volgende week voor die hof verskyn.
Die arrestasie is gemaak nadat kameras opgesit is in die begraafplaas en die verdagtes op heterdaad betrap is.
Daar is sedert begin September meerderheid van die grafstene in veral die nuwe deel van die begraafplaas maar ook die ouer deel van die begraafplaas omgegooi en gebreek. N Daad wat nie net skade van duisende aangerig het nie, maar geweldige emosionele pyn vir families veroorsaak het wat n tweede keer gebroke voor n graf moes staan
Familielede het die afgelope maand verslae na geliefdes se grafte gesoek met die groot aantal gebreekte grafstene wat dit n bykans onbegonne taak gemaak het om grafte te kon opspoor.
