Ondersoek na Wiskundevraestel uitlek
Toe die fout ontdek is, is gevra dat die vraestelle ingehandig word, maar het van die studente dit nie ingehandig nie maar met medestudente gedeel.
Die Noordwes Universiteit se Potchefstroom-kampus ondersoek ‘n voorval waartydens ‘n Wiskundevraestel verkeerdelik by twee van die vyf lokale op Vrydag 9 Junie versprei is. Die vraestel wat versprei is, was die vraestel wat studente op Dinsdag 13 Junie sou skryf.
Toe die fout ontdek is, is gevra dat die vraestelle ingehandig word, maar het van die studente dit nie ingehandig nie maar met medestudente gedeel.
NWU woordvoerder, Louis Jacobs, het by navraag genoem dat die universiteit van die voorval bewus is en dat die Registrateur ‘n ondersoek geloods het direk nadat die aangeleentheid aan die lig gekom het. Die betrokke dosent het op die aanlyn e-Fundi platform ‘n boodskap aan studente na afloop van die eksamengeleentheid gestuur waar die optrede van oneerlike studente ten sterkste veroordeel word.
Lees die volledige berig in die Potchefstroom Herald