Dankie vir sulke inisiatief om Rooidam se wal skoon te hou
Daar word egter steeds gewag vir die munisipaliteit om die Rooidam se water te spoel wat telkemale met riool besoedel word.
Die damwal by die Rooidam in Derdelaan lyk sommer weer netjies. Dit nadat daar die afgelope tyd baie hard gewerk is danksy die inisiatief van dr. Brigitta Wessels van Parys Dierehospitaal, om met die hulp van werkers hier op eie koste skoon te maak. Die Working on Fire-span is ook deur haar gekry om ‘n beheerde brand hier te maak aan die Derdelaan en Wesstraat-kant, asook agter die dam.
Dankie vir hierdie inisiatief om die omgewing vir inwoners skoon en veiliger te hou, asook vir Karien Viljoen vir die gebruik van haar wa, en die vragte vullis wat weggery is. So ook aan Anida Kotze, Karien Viljoen, Desré Smit, Susan van Tonder en Carl van Breda wat die afgelope twee jaar help om die damwal aan hul kant by die bokant van Uniestraat, en die h/v Unie en Derdelaan, ook op eie koste, skoon te hou. Dit is inisiatiewe soos hierdie wat ‘n groot verskil in ‘n gemeenskap maak. Daar word egter steeds gewag vir die munisipaliteit om die Rooidam se water te spoel wat telkemale met riool besoedel word.