Kom help om ons dorp weer skoon en reg te maak
Elke gewillige hand is nodig om van die projek 'n sukses te kan maak
![](https://images.caxton.co.za/wp-content/uploads/sites/116/2022/08/IMG-20220731-WA0227-1-780x470.jpg)
Almal is welkom – oupas, oumas pa’s, ma’s en kinders. Kom doen jou deel om Parys weer reg te ruk.
Bring sommer ‘n piekniekmandjie, ‘n plantjie, handskoene en swartsakke en sluit aan by die Ngwathe Warriors vir hul dorp skoonmaak en verfraaiingsaksie op Vrouedag, Dinsdag 9 Augustus.
Daar sal om 09:00 by die Container Park in Breëstraat begin word, en hul eindig by Saligna Park op die h/v Grens- en Cilliersstraat om 13:00.
As jy navrae het oor die aksie skakel Braam by 072 779 4079, of Paul by 084 209 6237. Bring jou glimlag en kom help om ‘n verskil te maak in jou dorp.
Die Ngwathe Warriors beplan ook om die ingange van die dorp en die begraafplaas later skoon maak. Meer inligting hieroor sal gepubliseer word wanneer die aksies geloods word.