Sy was lief vir die dorp en sy mense
Ria Myburgh, wat vir jare ‘n bekende gesig in die Parys Info-kantoor was, is Sondag, 19 Junie in die ouderdom van 73 jaar oorlede. ‘n Oud-kollega van Ria, Ita Kriel, wat destyds saam met haar gewerk het, vertel dat sy Ria in die Info-kantoor ontmoet het waar hulle vir baie jare saam sou werk, aanvanklik …
Ria Myburgh, wat vir jare ‘n bekende gesig in die Parys Info-kantoor was, is Sondag, 19 Junie in die ouderdom van 73 jaar oorlede. ‘n Oud-kollega van Ria, Ita Kriel, wat destyds saam met haar gewerk het, vertel dat sy Ria in die Info-kantoor ontmoet het waar hulle vir baie jare saam sou werk, aanvanklik eers in Breëstraat waar die Info-kantoor oorspronklik sy deure geopen het, en later ook in Waterstraat waar die Info-kantoor tans is.
Ria was vir ‘n kort tydjie weg by die Info-kantoor, maar het later weer haar plek volgestaan om toerisme in die dorp te bevorder, totdat sy uiteindelik in 2015 die tuig neergelê het.
Ita vertel dat Ria baie lief was vir die dorp en sy mense, maar ook geskiedenis, dat sy graag hieroor geskryf het, en baie betrokke was op verskeie sosiale media platforms. Toerisme het haar baie na aan die hart gelê. Ria het waar sy gekom het probeer om die dorp te bemark, en sal sy onthou word vir die saggeaarde omgee-mens wat sy was. Sy was tot met haar dood in Parys gevestig.