Volgens die hoofuitvoerende beampte van Momentum Beleggings Aardklop, Alexa Strachan word Aardklop in drie stede aangebied om die fees na nog meer feesgangers te bring. Sodoende kry meer mense ook werk in ‘n bedryf wat tydens die Covid-19 pandemie op sy knieë gedwing is.

“Aardklop, en sy bestuur, het dit uit die staanspoor onderneem om buigbaar en aanpasbaar te bly om onsekere tye te trotseer en eerder innoverend om te gaan met eksterne uitdagings, om sodoende ‘n deurgaanse standvastige omgewing, in welkevorm,formaat of ligging ook, te skep vir die juiste ding wat die fees se kernmandaat is: die kunste,” verduidelik Strachan in ‘n mediaverklaring.

Strachan noem verder dat sy opgewonde is oor die feit dat die fees weer in Potch ook aangebied sal word.

“Potchefstromers kan uitsien na hulle geliefde feesterrein met musiek en stalletjies,asook natuurlik hoogstaande konserte en visuele kunste. Baie dankie aan ons grootste vennoot in Potch: Die NWU Potchefstroomkampus.Ook spesifiek dankie aan NWU PUK Kunste,en die Miederpark NG Gemeente.”