Die Suid-Afrikaanse Nasionale Bloeddiens het minstens 3 500 eenhede bloed per dag nodig om te kan voorsien in die konstante vraag na bloed in die land.
Met ‘n ernstige bloedtekort wat die Bloeddiens alreeds ervaar, word ‘n baie dringende beroep op skenkers gedoen om asseblief vandag die mobiele skenkerskliniek in Parys te ondersteun en só te help om ‘n verskil te maak.
Dit neem net 20 minute om bloed te skenk en kan jy so help om drie lewens te red danksy hierdie kosbare geskenk van lewe.
Skenk bloed in Parys vandag, Donderdag 28 April
Hervormde kerksaal, Parys h/v Loop- en Paulsenstraat
12:00-18:00.
Die doelwit is om 50 eenhede bloed in te samel.
