Burgemeester besoek kruisings wat lesers bekommer

Ngwathe Burgemeester Victoria de Beer het reeds vanoggend, Donderdag 24 Maart in reaksie op Gazette se beriggewing en uitnodiging aan lesers om kruisings in die dorp uit te wys waar lang gras sig bemoeilik, al die kruisings waarvan lesers foto’s gestuur het, besoek.

Sy het ook gesê dat daar met die direkteur van gemeenskapsdienste gesprek gevoer sal word om te kyk hoe ‘n projek geloods kan word om ‘n verskil by hierdie kruisings te maak. Heelwat kruisings wat weens die lang gras ‘n gevaar vir motoriste inhou, is sedert voorverlede week deur lesers uitgewys

Al die foto’s van kruisings wat  ontvang is, is op Parys Gazette se webtuiste gelaai en word opdateer sodat rekord gehou word van kruisings wat gerapporteer word.

Hier is die adresse wat reeds ontvang is:

* h/v Eerstelaan en Van Collerstraat

* h/v Schilbach- en Van Collerstraat

* h/v Derdelaan en Wesstraat

* h/v Loop- en Grensstraat

* h/v Noorder- en Schilbachstraat

* h/v Muller- en President Kruger

* h/v Grens- en Freedmanstraat.

* h/v Grens- en Vierdelaan

* h/v Grewarlaan en Delverstraat

* h/v Eerstelaan en Endstraat. 

Dankie aan die burgemeester wat betrokke is by die gemeenskap en daadwerklik probeer om ‘n verskil te maak.  

H/v Schilbach- en Van Collerstraat

.     

H/v Grens- en Freedmanstraat

H/v Derdelaan en Wesstraat  

Kruising by Mullerstraat en President Kruger

H/v Loop- en Grensstraat.

H.v Schilbach- en Noorderstraat