Suid-Afrikaners se glimlagte en gesigsuitdrukkings sal steeds agter maskers weggesteek wees.
Volgens die konsepregulasies wat Woensdag 16 Maart in die Staatskoerant gepubliseer is, sal Suid-Afrikaners minstens vir nou nog moet saamleef met die dra van maskers wat verpligtend bly vir binnenshuise byeenkomste, wanneer jy van openbare vervoer gebruik maak, en in openbare plekke.
Boonop gaan werkgewers ook nou verplig word om maskers aan werknemers te verskaf.
Die publiek het 30 dae tyd na die publisering van die voorgestelde regulasies om kommentaar te lewer daarop, en sluit die proses op 15 Arpil.
