Wil jy graag ook verdienstelike organisasies in jou gemeenskap help maar het dalk nie iets om werklik by te dra om te help nie – hier’s jou kans.
Die waarde van vars groente in jou dieet moet jy nie onderskat nie, en eet moet ons almal tog eet.
Tot 14:00 kan jy die groentetuine van Epilepsie SA se Vrystaat/Noordwes-sentrum in Parys, en die Phahamang Basadi Community Garden ondersteun waar hulle as deel van die Shoprite Groep se Markdag-inisiatief waarmee hulle ook die groentetuine ondersteun, heerlike vars groente en kruie koop.
Komaan dis so maklik om vandag ‘n verskil vir die organisasies te maak.
Die Epilepsie-sentrum kan by Checkers ondersteun word, en die Phahamang Basadi Community Garden by Shoprite in Parys. Gou maak!
