Só lyk dorp se reënvalsyfer nou
Parysenaars het teen Vrydag 11 Februarie reeds 45mm reën vir Februarie gehad. Desember is 201mm in die dorp gemeet en vir Januarie 90mm. Met Donderdag se swaar reën en donderstorm het ’n palmboom in die Papavarnavas-erf op die h/v President Steyn en Bothastraat aan die brand geraak. Dit het gesorg vir ’n skouspelagtige vuurwerkvertoning …
Parysenaars het teen Vrydag 11 Februarie reeds 45mm reën vir Februarie gehad. Desember is 201mm in die dorp gemeet en vir Januarie 90mm.
Met Donderdag se swaar reën en donderstorm het ’n palmboom in die Papavarnavas-erf op die h/v President Steyn en Bothastraat aan die brand geraak. Dit het gesorg vir ’n skouspelagtige vuurwerkvertoning in die nagdonker.
Foto: Verskaf
In die Weiveld-distrik is daar tot dusver reeds 67mm reën vir Februarie gemeet, en het die distrik 204mm reën gehad vir Januarie. Vir Desember is 354mm reën in die Weiveld-distrik gemeet. Die distrik se gemiddeld vir Desember oor die afgelope 39 jaar was 141mm reën.
Vaaldam het teen Saterdag 11 Februarie nog een sluis oopgehad en was die dam teen Maandag 110,02% vol. Bloemhofdam was Maandag 106,13% vol. Die Vaalrivier se bokspringe is ook al heelwat minder en kan die ou laagwaterbruggie na Gholfeiland weer gesien word nadat hy vroeër onder water was.
