Jy kan nou later alkohol koop, uitbly – geen aandklokreël meer

Die aandklokreël is opgehef en restaurante en kuierplekke wat volgens hul lisensievoorwaardes gemagtig is om alkohol na 23:00 te verkoop, sal dit weer kan doen. Die wysigings is onmiddellik van krag.

Die aankondiging is Donderdagaand 30 Desember gemaak nadat president Ramaphosa vroeër met premiers en burgemeesters vergader het.

Binnenshuise saamtrekke word ook nou beperk tot 1 000 mense, terwyl 2 000 mense buitemuurse saamtrekke sal kan bywoon. Alle veiligheid- en gesondheidsregulasies ten opsigte van Covid-19 moet egter steeds nagekom word.

Die dra van maskers bly egter verpligtend.