![](https://images.caxton.co.za/wp-content/uploads/sites/116/2021/11/logo-afr.jpg)
Diegene wat nog nie dié inkopieparadys beleef het nie, moet vanjaar die datums in hul oor knoop.
![](https://potchefstroomherald.co.za/wp-content/uploads/sites/117/2021/11/logo-afr.jpg)
Die Mooirivier Kersmark vind vanjaar van 22 November tot 4 Desember plaas. Diegene wat nog nie dié inkopieparadys beleef het nie, moet vanjaar die datums in hul oor knoop. Die Kersmark word vanjaar vir die 13de keer aangebied.
By dié mark is daar meer as 90 uitstallers wat kwaliteit produkte onder een dak te koop aanbied. Hier ervaar jy vir die eerste keer dat jou Kersaankope nie ‘n foltering hoef te wees nie. Vergeet van moeë voete, min verskeidenheid en duur en impulsiewe besluite omdat jy net nie daardie spesiale Kersgeskenk kan kry nie.
![](https://potchefstroomherald.co.za/wp-content/uploads/sites/117/2021/11/Mooirivier-Kersmark-520x347.jpg)
Hier is die keuses legio – opvoedkundige speelgoed, mansgeskenke, dekor-items, klere en bykomstighede en allerlei lekkernye. En wanneer jy tussendeur ‘n versterkinkie nodig het, is daar ook ‘n restaurant wat heerlike bekostigbare ligte etes, varsgebak en ietsie te drinke bedien.
Daar is saans vanaf 17:30 ook aandetes te koop wat huis toe geneem kan word.
![](https://potchefstroomherald.co.za/wp-content/uploads/sites/117/2021/11/MK-1-520x198.jpg)