Die afgelope twee weke is sporadiese voorvalle van bankkaartdiefstal en bedrog by die Parys SAPD gerapporteer by sowel OTM’s by banke en in winkelsentrums. Hou in gedagte dat die Feesseisoen nader kom en dat jy jou oë en ore wawyd oop sal moet hou. Misdadigers is uitgeslape.
Die volgende wenke word voorgestel om te vermy dat jy ’n slagoffer van kaartbedrog word:
Hou ten alle tye ’n ogie op jou kaart.
Moet nooit vir iemand sê wat jou PIN is nie.
Moenie jou kaart en jou PIN bymekaar bêre nie.
Vermy swak verligte OTM’s.
Sleutel net jou PIN in wanneer die masjien dit versoek.
Maak seker niemand hou jou dop terwyl jy jou PIN insleutel nie.
Staan naby aan die OTM en maak seker omstanders kan nie jou hand sien terwyl jy die PIN insleutel nie.
Maak seker jy hou jou hand oor die kaartgleuf om te verseker niemand neem jou kaart nie.
Verlaat die OTM dadelik indien jy onveilig voel.
Moet nooit hulp aanvaar nie – nie eens van ’n sekuriteitswag nie.
Moenie toelaat dat iemand jou aandag aftrek terwyl jy ’n transaksie by ’n OTM doen nie.
Maak seker die kaart wat jy gebruik is jou eie, voor en nadat jy ’n transaksie afgehandel het.
Moet nooit jou geld by ’n OTM tel nie.
Kanselleer jou kaart onmiddellik as dit verlore, gesteel of beskadig is of deur ’n masjien teruggehou word. Moenie toelaat dat iemand anders die oproep namens jou maak nie.
As een of twee OTM’s in ’n bepaalde gebied nie werk nie, is dit beter om nie na die naaste OTM in dieselfde gebied te gaan nie. Kitsbanke word gereeld gesaboteer om slagoffers na ’n bepaalde OTM te lei.
Indien ’n OTM of PVV-toestel beskadig lyk, die skerm niks vertoon nie of dit lyk asof daaraan gepeuter is, moet jy dit nie gebruik nie.
Verlaag jou daaglikse onttrekkingslimiet om te vermy dat misdadigers al jou geld steel indien hulle wel hul kloue op jou kaart kry. “Die belangrikste reël is om op ’n hoë gereedheidsgrondslag te wees terwyl jy ’n OTM gebruik. Indien jy enigiets verdag opmerk of ongemaklik voel, vertrou jou instink en beweeg van die masjien af weg,”
