*Word deel van ‘n lewensreddende inisiatief #skenker100 en skenk bloed in Parys vandag*
Jy kan vandag ‘n verskil maak vir iemand in nood. Ondersteun die Suid-Afrikaanse Nasionale Bloeddiens se mobiele skenkerskliniek by Checkers by die Parys Boulevard sentrum.
Die Suid-Afrikaanse Nasionale Bloeddiens (SANBD) het vroeër vandeesweek al gewaarsku dat bloedvoorraad kritiek laag is en skenkersbydraes baie min, ook in Parys.
Met Donderdag se bloedskenkkliniek kon net 23 van die verwagte 50 eenhede bloed ingesamel word. Dankie aan elkeen wat wel ‘n bydrae gelewer het.
Daar word egter ‘n beroep gedoen op alle skenkers, veral skenkers wat nie in die afgelope paar maande geskenk het nie, die jeug, en nuwe skenkers wat aan die minimum vereistes voldoen, om asseblief die tyd te neem om bloed te skenk.
