![](https://images.caxton.co.za/wp-content/uploads/sites/116/2021/08/crime_tape_courtesy_dpp-law-780x470-1.jpg)
‘n Slaghuisbestuurder (37) is Donderdag (30 September) twee keer geskiet toe vier vermeende rowers ‘n slaghuis wou beroof.
![](https://carletonvilleherald.com/wp-content/uploads/sites/115/2021/10/Crime-scene-lint-band-reflector.jpg)
Dié voorval het rondom 17:30 in Sol Plaatjiestraat in Potchefstroom plaasgevind. Kol. Adéle Myburgh, polisiewoordvoerder in die Noordwes, sê vier mans het die slaghuis met ‘n vuurwapen binnegekom, terwyl twee buite gewag het. ‘n Skermutseling het tussen die slaghuisbestuurder en die rowers ontstaan waarna die bestuurder een van die rowers met ‘n knopkierie oor die kop geslaan het.
Die rower het daarna twee skote afgevuur wat die bestuurder tussen die maag en bors asook in die linkerknie getref het. Daarna het die rowers op die vlug geslaan. Kol. Myburgh sê die polisie is op soek na ses verdagtes en ‘n saak van poging tot besigheidsroof en poging tot moord is geopen. Enige iemand met meer informasie, kan a.o. Kevin Pretorius by 082 461 8263 skakel.
Hier is ‘n skakel na die oorspronklike berig: Slaghuisbestuurder slaan rower met knopkierie: word 2 keer geskiet – Potchefstroom Herald