Ds. Gert Oosthuizen is op 1 Augustus in die NG Gemeente Koppies-Weltevreden as gemeenteleraar bevestig. Ds. Oosthuizen het sy teologiese studie aan die Universiteit van Pretoria (Tukkies) voltooi, waarna hy leraar by die gemeentes van Derby, Usakos (Namibië), Secunda en Langebaan was. Die gemeente van Koppies-Weltevreden is die vyfde gemeente wat hy bedien. Ds. Oosthuizen sê hy wil sterk leiding aan die gemeente gee om in alles die eer van die Here te soek, en om goeie betrekkinge met almal op te bou.
