Vanjaar se Kwêla Dorp van die Jaar is Greyton in die Overberg. Die aankondiging is Sondagaand op Kwêla gemaak. Greyton is dan ook die elfde wenner van die kompetisie. En al het Parys nie vanjaar die titel kon inpalm nie, is dit steeds ’n pluimpie vir die dorp om vanjaar ’n semi-finalis te kon wees nadat Jan en San publiek se stemme die dorp onder die top 3 Vrystaatse dorpe geplaas het. Parys was in 2018 die Vrystaatse finalis van die kompetisie. Dankie aan elkeen wat vir Parys gestem het. Parys het ’n gemeenskap om op trots te wees.
