Brood, aartappels vlieg van die rakke

Talle Parysenaars het ook vandag geskarrel met paniek kruideniersaankope uit vrees dat winkels nie voorraad sal hê nie. Al die kruidenierswinkels in Parys met wie Gazette gepraat het, het egter gesê dat hulle steeds voorraad het, en dat daar nie nou rede is vir paniekaankope nie.

Onthou dat paniekaankope veroorsaak dat voorraad gouer uitverkoop en dat mense wat later eers by die kruidenierswinkels kan uitkom, voor leë rakke kom.

Anders as voor vlak 5 inperking in Maart verlede jaar, wil dit egter voorkom asof toiletpapier nie nou die vinnigste van rakke af vlieg nie, maar of Parysenaars heelwat meer brood en aartappels gekoop het.