Jy sal die laaste gaatjie in jou belt moet maak. Vir reeds sukkelende verbruikers is daar geen genade nie. Met Ngwathe se munisipale tariewe wat vanaf 1 Julie verhoog is, en enorme kragtariefverhogings wat alreeds voorspel is, gaan jy boonop van hierdie Woensdag 7 Julie, ook hoes by die petrolpomp.
Jy sal van Woensdag af 29c per liter meer betaal vir 93-oktaan petrol, terwyl 95-oktaan petrol jou 25c per liter meer sal kos.
Vir diesel gaan jy 42c per liter meet betaal (0,05% swael) en 41 c per liter (0,005% swael). Gas gaan jou 63c per kilogram meer kos en paraffien 48c per liter.
Van 1 Julie het Ngwathe se munisipale tariewe met 4,1% gestyg, terwyl watertariewe met 5% verhoog is.
Elektrisiteitstariewe kan hoofsaaklik as gevolg van enorme Eskom-verhogings, met tot 20% styg is vroeër gewaarsku, afhangend van wat Nersa goedkeur.