![](https://images.caxton.co.za/wp-content/uploads/sites/116/2021/06/IMG-20210402-WA0029-780x470.jpg)
Die Parys Gemeenskap Polisiëring Forum (GPF) doen ‘n beroep op lede van die publiek om hulself beskikbaar te stel as vrywilligers by die Parys Slagoffer Ondersteunings Fasiliteit op die Parys SAPD-perseel. Die fasiliteit is spesifiek daargestel om slagoffers van ongelukke, of gesinsgeweld by te staan, sou hulle tydelik gehuisves moet word tot hulle by familie of naasbestaandes kan kom, of selfs kinders wat in ‘n plek van veiligheid geassesseer moet word.
Sedert Gazette oor die fasiliteit berig het, het mense eenvoudig hande gevat om ‘n verskil te maak. Daar is gehelp om die fasiliteit te meubileer, vloere en mure te was, die dak reg te maak, ligte vas te sit en in speelgoed, klere, beddegoed en kombuisware te voorsien. Nou dat die fasiliteit netjies ingerig is, is daar egter vrywilligers nodig. Vrywilligers wat deur die Departement van Maatskaplike Ontwikkeling opgelei kan word waar nodig.
Maatskaplike werkers, gemeenskappatrolleerders. Mense wat bereid sou wees om ‘n maaltyd te voorsien aan hulle wat hier tydelik ondersteuning baie nodig het. As jy kan help kan jy (056) 811 4631 skakel of ‘n WhatsApp na 082 437 5737 stuur.
Al wat nodig is, is jou bereidwilligheid om te help waar ook al jy kan. Dankie aan elkeen wat reeds gehelp het om die fasiliteit daar te kon stel. Spesiale dank aan mev. Stander wat pakkies babaklere opgemaak het.