Koppies Dam is een van die Departement van Gesondheid se amptelike kwarantyn-fasiliteite vir Covid-19 vir die Fezile Dabi-distrik. Daar is 30 beddens beskikbaar, sekuriteit en ‘n spysenier wat die etes voorberei. Die fasiliteit is opgeknap en baie netjies ingerig. Dit is uitsluitlik vir mense wat positief getoets het vir Covid-19, of in direkte kontak was met iemand wat positief getoets het, maar weens hul huislike omstandighede nie self kan isoleer nie. Sou die fasiliteit vol wees, is die naaste ander kwarantyn-fasiliteite die Willem Pretorius-fasiliteit in die Lejweleputswa-distrik.
