Saterdagaand het die eerste sterrekykgeleentheid van die seisoen by Deelfontein se sterrewag plaasgevind. Frik le Roux van die Pretoria-tak van die Astronomievereniging van Suid-Afrika kon deur die groot 12-duim Meade-teleskoop van die sterrewag die wonders van die naghemel aan deelnemers wys, wat van so ver as Vanderbijlpark gekom het.
Die atmosferiese toestande is tans uitstekend vir sterrekyk, aangesien daar min vog in die lug is, en die weer meer voorspelbaar is.
Aanbiedings sal deur die winter tot ongeveer in September met elke donkermaanperiode plaasvind. Belangstellendes kan die aankondigings in die plaaslike koerante dophou, of inligting op die webwerf www.deelfontein.co.za verkry.
