![](https://images.caxton.co.za/wp-content/uploads/sites/116/2021/05/MIGGING-PERSONA1-780x470-1.jpg)
Sy het ‘n Uber-taxi van die lughawe af geneem en spoorloos verdwyn. ‘n Paar dae later is dele van haar liggaam naby Villiers in die Vrystaat gevind.
VILLIERS. – Die soektog na die vermiste vrou van Brakpan wat op 26 April spoorloos verdwyn het nadat sy ‘n Uber-taxi van die O.R Tambo-lughawe geneem het, het tragies geëindig toe dele van haar ontbindende lyk Dinsdag in die omgewing van die Vaal-vakansieoord by Villiers ontdek is. Volgens Motantsi Makhele, ’n polisiewoordvoerder in die Vrystaat, het die polisie Yolandi Botes (35) positief uitgeken aan ’n unieke tatoeëermerk op haar lyf.
![](https://vaalweekblad.com/wp-content/uploads/sites/119/2021/05/MISSING-PERSONA2-298x400.jpg)
Die lyk is gevind toe die polisiewoordvoerder se pa en seun by die oord visgevang het en die seun die liggaamsdeel in die water sien dryf het. Botes se familie sou gister na Villiers gaan om haar uit te ken.
Die familie kon nie vir kommentaar bereik word nie. Mense met inligting kan die ondersoekbeamte ao. Theuns Fourie by 082 3511 622 bel.