Begraafplaas dié naweek skoongemaak – kom jy help
Begraafplaas dié naweek skoongemaak - kom jy help
![](https://images.caxton.co.za/wp-content/uploads/sites/116/2021/04/20210117_150737-2.jpg)
Die toestand van Parys se ou begraafplaas langs die hoofpad is al vir jare ‘n hartseer vir mense wie se geliefdes hier begrawe is. Verskeie lesers het die afgelope week op Gazette se webtuiste kommentaar gelewer na aanleiding van ‘n berig oor die dorp se begraafplaas waar grafte kwalik sigbaar is tussen die lang gras, grafte beskadig is, en grafstene gesteel is.
Vrywilligers uit die gemeenskap van Parys het egter ‘n tyd gelede begin om projekte in die dorp te loods om ‘n verskil in die gemeenskap te maak. Saterdag, 24 April gaan hierdie vrywilligers die groot taak aanpak om te begin skoonmaak in die dorp se ou begraafplaas. As jy ook geliefdes het wat hier begrawe is, of die toestand van die begraafplaas ook vir jou na aan die hart lê – wil jy nie Saterdag kom help nie? Skakel vir Fanie Kruger by 072 989 0901 om te hoor wat nodig is, en hoe jy betrokke kan raak. Die werk wat in die gemeenskap gedoen word deur vrywilligers met verskeie aksies werp reeds vrugte af. Jy kan help om ‘n verskil te maak!