![](https://images.caxton.co.za/wp-content/uploads/sites/116/2021/03/IMG-20210318-WA0023-2-780x470.jpg)
Al wat plastiek, glas en bottelbydrae is, is verlede week deur leerders van Hoërskool Parys bymekaar gemaak vir Wêreld Herwinningsdag wat Donderdag, 18 Maart gevier is.
![](https://images.caxton.co.za/wp-content/uploads/sites/116/2021/03/IMG-20210318-WA0023-2.jpg)
Dit was dan ook die skool se eerste Eko-skoleprojek vir die jaar. Eko-skole doen jaarliks vyf projekte.
Hoërskool Parys het as Eko-skool in 2019 platinumvlag-status bereik wat beteken het dat die skool sewe jaar lank suksesvol in “eko”-nomiese projekte soos bewaring, herwinning en omgee vir die gemeenskap, betrokke was.
Ongelukkig kon daar in 2020 geen projekte gedoen word nie, omdat Covid-19 protokol dit verhinder het.
Vanjaar sal daar egter weer aan die Eko-skoleprojekte deelgeneem word.
As die skool dit regkry om weer vyf projekte deur die jaar te kan afhandel, verdien die skool platinum 2 status.
Hoërskool Parys het ook reeds in 2018 internasionale vlagstatus behaal – ‘n prestasie waarmee baie min hoërskole in die land kan spog.