Dit wil al meer lyk asof jy dalk meer kerse en kersliggies gaan nodig hê vir Kersfees en Nuwejaar. Daar word reeds gewaarsku dat Suid-Afrikaners hulle sal moet reghou vir nog beurtkrag vir minstens die eerste kwartaal van 2021, en ook Kersfees en Nuwejaar, hoewel geen amptelike aankondigings nog gemaak is nie. Die naweek was daar reeds ‘n voorsmakie van beurtkrag wat aanvanklik vir Saterdag en Sondag beplan was, maar toe ter elfder ure afgestel is vir Sondag13 Desember. Volgens Eskom se eie vooruitskatting vir tot en met die eerste week in Maart, is daar ‘n waarskynlikheid vir fase 2 beurtkrag, met die uitsondering van 28 Desember tot 15 Januarie wanneer fase 1 beurtkrag verwag word.