![](https://images.caxton.co.za/wp-content/uploads/sites/116/2020/09/119449733_10220825037370162_5157882704309846482_n-2-447x470-1.jpg)
SASOLBURG. – Daar is die afgelope naweek wyd en syd na Ryno van Niekerk (35) gesoek, maar die hartseer einde is dat sy lyk Sondag gevind is. Ryno se familie het Saterdag onraad vermoed en ‘n soektog is van stapel gestuur. Daar is op sosiale media boodskappe en foto’s van Ryno gedeel en sy familie het in hospitale na hom gesoek, maar sonder sukses.
Hy is voor sy verdwyning in die industriële gebied van Sasolburg gesien waar hy by ‘n vriend sou oornag. Hulle het na bewering egter stry gekry, waarna Ryno geloop het. Hy sou Sondag saam met sy ma na Ruimsig gaan waar hy Maandag met ‘n nuwe werk sou begin. Intussen het ‘n lid van die K9 Soek- en Reddingseenheid van Sasolburg wat Sondag by die Vaaldam na twee ander vermiste mans gesoek het, op Ryno se lyk afgekom.Hy het iets op die dam sien dryf en by nadere ondersoek gesien dat dit ‘n slaapsak is wat toegerits is. Toe hy die slaapsak oopmaak, het hy Ryno se lyk met ‘n steekwond in sy bors gevind. Daar was ook verskeie bloukolle oor sy liggaam.
https://vaalweekblad.com/73920/vermiste-man-35-se-lyk-by-vaaldam-gevind/