![](https://images.caxton.co.za/wp-content/uploads/sites/116/2020/08/police_tape_genericpng-1-1.jpeg)
Die polisie het Saterdagaand (12 September) ‘n 25-jarige man by die Montshiwastad nedersetting naby, Mahikeng in hegtenis geneem.
Die polisie het Saterdagaand (12 September) ‘n 25-jarige man by die Montshiwastad nedersetting naby, Mahikeng in hegtenis geneem. Dit nadat sy ma se kop in ‘n sak by hom gevind is.
Volgens Brigadier Sabata Mokgwabone, provinsiale woordvoerder, het lede van die blitspatrollie op inligting dat die man glo ‘n kop by hom dra gereageer.
Met aankoms het die polisie die man deursoek waarna die kop in ‘n sak gevind is.
“Die verdagte het na bewering erken dat hy, sy ma op Maandag (7 September) in Pretoria vermoor het. Die motief vir die moord is nog onbekend. Hy sal na verwagting na Pretoria oorgeplaas word waar hy ‘n klag van moord in die gesig staar,” het Mokgwabone gesê.
Die provinsiale kommisaris, Lt. Gen. Sello Kwena het die flink optrede van die beamptes wat na die man se in hegtnisname gelei het, toegejuig.
https://potchefstroomherald.co.za/78025/man-vas-na-hy-met-ma-se-kop-betrap-is/