Parysenaars kry vandeesweek n unieke skenkerservaring met die Suid-Afrikaanse Nasionale Bloeddiens se mobiele skenkersentrum wat vir die eerste keer in Parys is.
Die mobiele sentrum is in Desember by die Vaal Mall inkopiesentrum in Vanderbijlpark bekendgestel.
Parysenaars kon van gister, Dinsdag 11 Augustus, tot Donderdag 13 Augustus hier bloed skenk. Die mobiele sentrum is geparkeer by die Palm Gate sentrum, h/v Buiten- en Waterstraat en kan jy vandag en more vanaf 11:00 tot 18:00 die netjies en goed toegruste sentrum besoek om bloed te skenk.
Die doelwit vir die week vir Parys is om 150 eenhede bloed in te samel. Giater is reeds 32 eenhede bloed by die mobiele sentrum ingesamel en 74 eenhede by die gebruiklike bloedskenk kliniek in die Hervormde kerksaal.
Dus n totaal van 106 eenhede. Jou bydrae sal help om die doelwit te haal.
Daar wag ‘n verrassing op elke bloedskenker as blyk van waardering vir die onbaatsugtige daad om bloed te skenk vir ander in nood.
