President Cyril Ramaphosa het in sy weeklikse nuusbrief vandag korrupsie in ‘n tyd van ‘n nasionale ramp as ‘n afskuwelike misdaad beskryf en gesê dat oortreders vasgevat sal word.
Die president skryf dit is moeilik om te verstaan hoe mense nie ‘n gewete kan hê in hierdie tyd nie, en onder meer verwys na die buitensporige styging van pryse van maskers, en gevalle waar daar oneerlikheid by raadslede was met die verspreiding van onder meer kos en watertenks.
Hy verwys dan ook na ander voorbeelde en sê dat mense wat probeer om wins te maak uit ‘n ramp wat daagliks mense lewens eis, vergelyk kan word met aasvoëls of ‘n trop hiënas wat om ‘n gewonde dier sirkel.
President Ramaphosa het gesê dit krap opnuut ou wonde oop van die tyd van staatskaping.
