![](https://images.caxton.co.za/wp-content/uploads/sites/116/2020/05/caution-2-3-4.gif)
Hoewel die padblokkade voor die Potchefstroom-brug aan Parys-kant op die Vrystaat/Noordwes-grens, tans nie meer 24 uur beman word nie, sal daar wel nog van tyd tot tyd ’n padblokkade opgestel word. Maak dus seker jy het die nodige permitte of toestemming, en jou identiteitsdokument te alle tye by jou, want jy kan steeds nie onder vlak 3 inperkingsregulasies oor provinsiegrense beweeg sonder ‘n permit nie. Dit beteken net in gevalle waar jy byvoorbeeld ‘n permit sou hê om nou te moet trek, ‘n begrafnis gaan bywoon, vir doktersbesoeke of behandeling, waar kinders in ander provinsies skoolgaan of jy uit die aard van jou werk na ‘n ander provinsie moet reis, sal jy toegelaat word oor die provinsiegrense sou jy by ’n padblokkade gestop word. As jy na ‘n siek nabye familielid of bejaarde moet gaan omsien in ‘n ander provinsie, moet jy ‘n verklaring by jou naaste polisiestasie gaan aflê wat jou dan die korrekte papierwerk sal gee om oor die provinsiegrens te reis.