‘n Werker het hom egter die volgende oggend omstreeks 05:30 laat weet dat veediewe deur die nag toegeslaan het. Hulle het ses swaar dragtige Simbra stoetkoeie afgeslag waar hulle in ‘n kamp gewei het. Volgens Lubbe is die waarde van die beeste sowat R200 000.
“Daar is al voorheen van my beeste gesteel, maar nog nooit so baie nie,” het Lubbe Maandag aan die Herald gesê.
Volgens hom is sy bure reeds in kennis gestel om op die uitkyk te wees vir die veediewe. Teen druktyd was niemand nog in verband met die diefstal in hegtenis geneem nie.