Daar blyk goeie nuus te wees vir Suid-Afrikaners wat in die buiteland studeer of werk
Netwerk24 berig Dr. Aaron Motsoaledi, minister van binnelandse sake, het oor die naweek in ‘n verklaring gesê noodsaaklike reis na ander lande sal in die volgende gevalle toegelaat word:
- Werk
- Studies
- Gesinne wat moet herenig
- Permanente verblyfreg wat opgeneem moet word.
- Mense wat in ander lande mediese hulp moet kry
As jy om hierdie redes na die buiteland moet reis, sal jy ‘n geldige SA paspoort moet hê, ‘n brief van die ambassade of ander diplomatieke/konsulêre verteenwoordiger van die land waarheen gereis word, en toestemming van elke land waardeur jy moet reis om by jou bestemming te kom.
Jy sal moet bewys kan lewer van jou vlieg-, bus- of treinkaartjies en ook die datum waarop jy beplan om te vertrek.
Jy moet dan jou versoek om te reis, as jy aan al die kriteria voldoen, epos na Covid19travel@dha.gov.za
Mense wie se aansoeke goedgekeur word sal epos met toestemming om te reis ontvang. Jy kan ook navraag doen by die tolvrye nommer 0800 60 11 90
