![](https://images.caxton.co.za/wp-content/uploads/sites/116/2019/10/caution-2-3.gif)
Die kontakregte tot minderjarige kinders wat ook deur die inperkingsregulasies geraak is, het vele ouer met ‘n kopseer gelaat.
Sussie is vir die skoolvakansie by pappa, maar begin verlang na mamma, en wie troos nou ‘n ou kleintjie wie snikkend sit en verklaar dat sy by mamma wil wees.
Die Minister van Sosiale Ontwikkeling het na die pleidooie van ouers geluister wie in baie gevalle ook nog die bekommernis het van besighede wat gesluit is en werknemers wie se toekoms onseker is, en dan boonop die inperking sonder hul kinders moes aanpak.
Volgens nuwe regulasies wat die minister van maatskaplike ontwikkeling, Lindiwe Zulu, Dinsdag in die Staatskoerant gepubliseer het, is die beweging van ‘n kind tussen medehouers van ouerlike regte en verantwoordelikhede tydens die staat van inperking VERBODE behalwe in gevalle waar reëlings in plek is vir die kind om te beweeg van een ouer na ‘n ander, kragtens (a) ‘n hofbevel of (b) ‘n ouerskapplan wat reeds geregistreer is by die Kantore van die Gesinsadvokaat.
Daar is egter ‘n voorbehoud op hierdie beweging van kinders geplaas. Die wysiging aan die Regulasies lui in geen onsekere woorde dat waar dit bekend is dat ‘n kind in daardie omstandighede beweeg sal word na ‘n huishouding waar dit redelikerwys vermoed word iemand in daardie huishouding in kontak was met ‘n persoon wie Covid 19 opgedoen het, of redelikerwys van vermoed word om Covid 19 op te gedoen het, dit streng verbode is.
Daar is ‘n verdere voorbehoud op hierdie beweging van kinders geplaas, naamlik dat die ouers in hul besit die hofbevel of reeds geregistreerde ouerskapplan moet hê, of minstens ‘n gewaarmerkte afskrif daarvan.