Dr. Zwelini Mkhize, Minister van Gesondheid, het bekendgemaak dat SA se sterftesyfer weens Covid-19 nou op 12 staan.
Daar het tot dusver drie pasiënte in die Wes-Kaap, 1 in die Vrystaat, 1 in Gauteng en 7 in KwaZulu Natal gesterf.
Die infeksiesyfer het met 31 gestyg en staan nou op 1 686 pasiënte wat positief getoets het vir Covid-19. Hiervan is 713 in Gauteng, 462 in die Wes-Kaap, 257 in KwaZulu Natal, 89 in die Vrystaat, 32 in die Oos-Kaap, 19 in Limpopo, 18 in Mpumalanga, 11 in Noordwes en 7 in die Noord-Kaap. 77 Gevalle is nog nie aan provinsies toegewys nie.
Altesaam 58 098 mense is al getoets.
